ابيض مفيش اسود مفيش كلنا من نبت الارض

فرقة وسط البلد
فرقة مصرية جميلة سمعت لها اغنية بعنوان مجنون,
ولا تتخيلوا مقدار اعجابي بها, ومعرفش ليه علي طول افتكرت الشيخ امام عيسي ومعرفش ليه افتكرت عمرو دياب في فيلم ايس كريم في جليم وذرياب
وكمان افتكرت واحد صديقي قال لي يوما وكانه يقولي سر يتمني ان احافظ عليه وهو انه لايحب يسمع الشيخ امام وانه بيخاف يصرح بذلك لكي لا يتهمه اصدقائه الماركسيين (بالكفر) وافتكر اني قلتله مش عايز تسمعه متسمعوش الماركسية طريقة للتحرر والتعبير عن الذات مش وسيلة للعبودية وصنع قوالب لتتضع الناس فيها
وكمان افتكرت واحد صديقي كان عازف جيتار بيعزف غربي وفي مرة قلتله ما تحاول تعزف الحان مصرية واغاني مصرية تدعو لقيم العدالة والمساواة فقال لي انه لا يريد ان يكون مسخ من الشيخ امام
افتكرت كل هولاء وانا اسمع اغنية مجنون التي تعبر بصدق عن افكاري كماركسي وحقوقي

مجنون مجنون وجنوني بأختياري
بصرخ بعلو صوتي ياعواصم انهاري
عواصم مفيش مفيش مفيش جوزات سفر
حدود مفيش مفيش سدود بين البشر
وهو دا جنوني وهو دا جنوني
مجنون مجنون مجنون
مفيش شمال وجنوب جنسيتك قلبك قوم يالا حب ودوب الدنيا هتحبك
الغي خطوط الطول امسح خطوط العرض ابيض مفيش اسود مفيش كلنا من نبت الارض
عواصم مفيش مفيش مفيش جوزات سفر
حدود مفيش مفيش سدود بين البشر
وهو دا جنوني وهو دا جنوني
مجنون مجنون مجنون
مجنون بحب البشر مجنون بحب الناس مجنون لاني مفقدتش الاحساس
عواصم مفيش مفيش مفيش جوزات سفر
حدود مفيش مفيش سدود بين البشر
وهو دا جنوني وهو دا جنوني
مجنون مجنون وجنوني بأختياري
بصرخ بعلو صوتي ياعواصم انهاري
انا نا انا مجنون
انا اول مرة ارفع ملف صوت واتمني ان تنجح التجربة

دروس مستفادة من اضراب 6 ابريل

الدرس الجديد الذي يقدمه إضراب الأحد 6 ابريل 2008 للذين شاركوا فيه وللذين لم يشاركوا، هو أن الاحتقان والغضب المتصاعد وحدهما ليسا كافيين لخلق حالة ثورية، إنما هناك عوامل أخري ضرورية ولا تقل أهمية وإنما تزيد وتتمثل في العمل التنسيقي والتنظيمي المشترك بين كل القوي السياسية والاجتماعية المتطلعة إلي التغيير للأفضل , والمكونة من الأحزاب والنقابات والاتحادات والجمعيات أي الجماهير المنظمة وإغلاق الحكم لكل الأبواب التي يمكن أن تفضي لمثل هذا التغيير السلمي جعل هذه المهمة بالغة التعقيد لكنها تظل ممكنة بعد أن أثبتت مجموعة صغيرة من المدونين قدرتها علي التعبئة مستخدمة التقدم التكنولوجي وثورة الاتصالات كأداة للديمقراطية فاستدعت للعمل وعلي أرضية السخط العظيم قطاعات من الجمهور غير المنظم، كما ساهم ذعر الحكومة وبياناتها التحذيرية في دفع أعداد ليست هينة من المواطنين علي البقاء في المنزل خوفا من المجهول. إضراب الأحد هو بروفة مرتجلة نحن جميعا مدعوون للتعلم منها علي الطريق الشاق للتغيير وسوف نتعلم جميعا.